ذهب المواطن قحطان ابن فقران من عائلة العواطلية إلى الصندوق الاجتماعي للتنمية التابع لرئاسة الوزراء لأخذ قرض يعينة على الحياة في زمن البطالة , بعدما بلغ عمرة أكثر من ثلاثين عام ولا يعمل وتطبق علية قوانين الغلاء التي ارتفعت بفضل الزيادة 30% رغم أنة ليس موظف ولا أخد علاوة ولا غيرة .ذهب المواطن الغلبان إلى الصندوق لآخذ قرض وكلة أمل وتفاؤل بعدما اتصل بالخط الساخن للصندوق وقالولة انك هتستلم القرض خلال اقل من شهر بدء يحلم المواطن قحطان بالعمل والمشروع وذهب ............. وذهب وكلة أمل.
ترك اسمة وتليفونة ورقمة القومي عند الباب مع بتوع الأمن وتوجه إلى غرفة الاستقبال ومليء الطلب وهو سعيد فرحان واتعملة ملف فى الحال وانتظر دورة لمقابلة مسؤل القروض ولم يبالى بالناس اللي كانت موجودة وبتتخانق علشان الصندوق خلاهم يصرفوا ويجهزا وبعد كدة رفض يديهم القرض ولم يهمة ما سمعة من احد الموظفين الملتحي الذي رد على مواطن مقهور إحنا مش عازيين حد يرفع صوتة ودة نظامنا لو كان عاجبك مش عاجبك مع السلامة .
لم يلتفت الى كل هؤلاء بل منتظر الفرج من عند الله . واخيرا جة دورة وهيدخل لبتاع القروض وجلس أمام رجل قابلة بتكشيرة تخلية يكرة الشغل والعمل والمشاريع بل والحياة كمان! المهم جلس قحطان الغلبان ليقول للموظف ما هو مشروعة فلم يلتفت علية : بل امسك ورقة مكتوبة وبدء يقراها علية مطلوب منك بطاقة ضريبية وسجل تجارى وتصريح مزاولة نشاط ورقم قومي للمؤسسة أو المشروع ورخصة وبعد كدة نبقى نقعد معاك ونشوف مشروعك اية لو فى معدات تبقى تجيب عرض أسعار وتدفع 25%من المبلغ بتاع المكن وإحنا لو وافقنا ع القرض ندفع الباقي فقال للموظف أبو تكشيرة جنان انا لو عندي فلوس كنت عملت مشروع من غير ما اجى لحضرنك!
ومكنتش هحتاج قرض دانا غلبان رد الموظف دة نظامنا يا أستاذ اعمل الورق وبعديين نتكلم . قال قحطان طيب انا هعمل كل الورق وملف ضريبى وانا لا املك المشروع ولو رفضتوا تدونى القرض هعمل اية بالملف المفتوح وهجيب فلوس منين يا باشا؟
قالة روح اسال عند بتوع الضرائب برة انا قلت اللى عندى خرج قحطان وهو كارة نفسة وراح يدور ع الشبابيك عن أمل في المشروع. وطلع كل الورق بالمجان .
عدى التراخيص ورقم قومي للمكان محتاج طفايات ومواصفات ورسومات هندسية طيب اصرف منين؟
واعمل اية؟
وأجيب ربع القرض ازاى؟
قال اعمل شكوى على موقع الشكاوى راح للموقع لقى نموذج الشكاوى معطل بعت إميل من اميلة ردوا علية راجع الفرع مانا بشكوى الفرع؟!!!!!!!!
ومفيش أمل لخير في مصر ولا في الحكومة كلة كلام في كلام ودى يا سادة يا كرام مشكلة الأستاذ قحطان مع الصندوق ولنا الله ومفيش فايدة فعلا بأيدينا نصنع مستقبل افضل دة شعار من شعارات الصندوق هو فين المستقبل ؟؟؟
حسبنا الله ونعم الوكيل - بقلم ويصا البنا
