مسلسل حقوق تائهة : الحق في التعليم

كتبها crestthebest

اخراج : MALAK & عربييي

عنوان الحلقة : الحق في التعليم

لو سمحت وين جوازك؟هيو سيدي...

وشو رايح تعمل في العراق؟بدي ادرس سيدي.

بالتوفيق,

شكراً سيدي...

هاي كانت آخر كلمات بسمعها وانا في الاردن,

الاردن بلدي الغالي,,,

ركبت الطياره,

ونزلت في مطار بغداد, ماكنت اعرف حد هناك,

كان هدفي انه بعد 4 سنين أروح على الاردن بشهاده,,,

دورت على تلفون لحتى اكلم أهلي وأبشرهم اني وصلت,

تيرن تيرن تيرن تيرن
ألو مرحبا,

أهلين عيني,

كيفك ياما,(وحاس انه مش صوتها )
شو بتقول عيني؟ مين أومك؟دش في الموضوع وبلالك من اللف والدوران عيني,,(بلهجه عراقيه ) سكرت السماعة بوجهها وضربت على راسي,,,

من تياستي ناسي أحط مفتاح الاردن

رنيت على أهلي كمان مرهألو مرحبا,كيفك محمد؟أهلين شو وصلت يا حمار؟

آه وصلت يا ***** ***** ***** ***** ***** *****وحكيت مع أمي ومع اخواني ومع الكل...

المهم دخلت الجامعه,

وبدا الجد والدراسة,,,
first ( يعني فصل دراسي) بعد first قصدي second وبعدين فاينل,,

هوب ولا انا سنه تالته

حليب النيدو أخد مفعوله بسرعه,,,

نايمين في الليل في أمان الله,,,

وعينك ما تشوف الا النور ,,,

قصدي الصاروخ بنص الحاره...

واسمعت صوت زلمه بحكي:تشلبوا ( يعني تسلحوا بالعراقية ) بالاسلحه ماليتكوم عيني,

خلينا نفرجي الامريشان المريله والريوليه (الامريكان,المرجله, الرجوليه )

المهم بلاد تاخدنا وبلاد تحطنا وصواريخ طالعه وصواريخ نازله,,
حكيت مع السفاره,

حكولي جهز حالك تنزل على الاردن ياخسارة 3 سنين راحت هيكنزلنا على الاردن وسقطت بغداد,,,

وكان أكبر همومي اني اكمل دراستي, حملت وراقي وجهزت اسلحتي وهجوم على الجامعات,,,
وهاي كان نصيحة امي اني اتنور وما استعجل

وعلى قولة الشاعر: اللي بيسمع كلمة امه شو بنقله؟شاطر شاطر وفعلاً الله وفقني بتخصص نفس تخصصي,,,وكانت الطامه في عدد الساعات اللي بدهم يحسبولي اياهامن أصل اكتر من 99 ساعة بس حسبولي 30 ساعة محسوبكم حملت حاله وراح على سحاب,

قعد عند قبر ابوه واستأزن منه انه ما يكمل دراسته,,,كنت واعدك يابا اكمل شو مصار معي...

بس الحمد لله ما زبطت معي وما اطلعت من سحاب,,,على أول مصنع آخر دخله بعد الكازيه على اليمين...هاد مقري الدائم صار,,,

مصنع شيبس..90 دينار راتب العامل الشهري,,,واللي منه اشتريت جاكور 2007 وبنيت فيلا في عبدون, واتزوجت بنت السفير الفلاني سيب ايدوا هادا واوا,,,
آه يا ضياع سنين عمري,,,

نص القانون الاردني على :المادة 26 ( 1 ) لكل شخص الحق في التعلم، ويجب أن يكون التعليم في مراحله الأولى والأساسية على الأقل بالمجان، وأن يكون التعليم الأولي إلزامياً وينبغي أن يعمم التعليم الفني والمهني، وأن ييسر القبول للتعليم العالي على قدم المساواة التامة للجميع وعلى أساس الكفاءة.

القانون واضح وما بده شرح...التعليم حق لنا ولكم...وهو اجباري في المراحل الابتدائيه...ويجب ان يكون ميسر في المراحل العليا...مع قدر عال من المساواة وعدم التمييز...